- Teamwork
- အားလုံးညီညွတ်မှ တူညီတဲ့ပန်းတိုင်ကို အရှိန်အဟုန်နဲ့ ရောက်နိုင်မှာပါ။ ပန်းတိုင်နေရာကိုမသိပဲ တစ်ယောက်တစ်ပေါက် လုပ်နေကြမယ်ဆိုရင် ပန်းတိုင်ဆိုတာကို မရောက်နိုင်ပါဘူး။
- Lessons
- ဘဝမှာ အရှုံးဆိုတာမရှိပါဘူး။ သင်ခန်းစာတွေပဲရှိပါတယ်။ သင်ခန်းစာတွေကနေ သင်ယူပြီး အကောင်းဆုံးဖြစ်အောင် ပိုကြိုးစားရမှာပါ။
- Rules & Responsibilities
- နေရာတိုင်းမှာ စည်းမျဉ်းစည်းကမ်းနဲ့တာဝန်တွေရှိပါတယ်။ ဘဝမှာ မွေးလာထဲက တာဝန်နဲ့ စည်းမျဉ်းစည်းကမ်းဆိုတာ ရှိပြီးသားပါ။ မွေးကင်းစအရွယ်၊လေးဘက်ထောက်အရွယ်၊ မတ်တပ်ထကနေစပြီး ကျောင်းတက်၊အလုပ်လုပ်တဲ့အထိ အသက်အရွယ်အလိုက် တာဝန်အပြည့်ကိုယ်စီနဲ့ပါ။ တာဝန်တိုင်းအတွက်ချမှတ်ထားတဲ့စည်းမျဉ်းတွေကိုသေချာလိုက်နာတဲ့သူကသာလျှင် အောင်မြင်မှုတွေရရှိမှာဖြစ်ပြီး စည်းမျဉ်း၊စည်းကမ်းသတ်မှတ်ချက်တွေ မသိရင်တော့ ပန်းတိုင်နဲ့ ဝေးနေမှာပါ။
- Fair Play
- နေရာတိုင်းမှာ Fair Play တိတိကျကျရှိဖို့ဆိုတာ မဖြစ်နိုင်ပါဘူး။ လောကကြီးထဲ စရောက်လာထဲက လူတိုင်းလက်ထဲကို “ရော့ အင့် သိန်း ၁၀၀၀ ယူ. ဘဝစပြီ” ဆိုပြီး မွေးလာတဲ့လူ ရှိပါသလား။ မညီမျှတဲ့လောကကြီးမှာ မွေးလာရလို့ ကျွန်မတို့မှာ complaint တက်ခွင့်ရောရှိပါသလား။ ချမ်းသာတဲ့မိဘဆီ ပြန်မွေးပေး.. ပြန်ဝင်မယ်ဆိုပြီးလဲ လုပ်ခွင့်မရှိပါဘူး။ ကျွန်မတို့လုပ်ရမှာ တစ်ခုပဲရှိပါတယ်။ လမ်းကြောင်းတစ်ခုပေါ်မှာ ကြိုးကြိုးစားစားနဲ့ မှန်မှန်ကန်ကန်လျှောက်နေဖို့ပါပဲ။
- Plan
- ပလန်မရှိရင် ပက်လက်လန်ပါလိမ့်မယ်။ Game ကနေစပြီး ဘဝထဲက ဘယ်အလုပ်မဆို Plan ရှိရပါမယ်။ ကြိုတင်ချမှတ်ထားတဲ့ plan တွေ schedule တွေမရှိရင် ပန်းတိုင်ကို သူများထက် နောက်ကျနေပါလိမ့်မယ်။
- Leadership
- ခေါင်းဆောင်သည် အရမ်းအရေးကြီးပါတယ်။ ကိုယ့်တစ်သင်းလုံး ညီညွတ်ဖို့ ဦးဆောင်ပေးဖို့လဲ လိုသလို ၊ ကိုယ်သွားမဲ့လမ်းကြောင်း၊ ကိုယ်လုပ်ရမဲ့အလုပ်ကို သေချာချမှတ်ပေးပြီး ကိုယ့်တစ်သင်းလုံး ကိုယ့်ခေါင်းဆောင်မှုနောက် ပါလာအောင် လုပ်ဆောင်တတ်ဖို့ လိုအပ်ပါတယ်။ ခေါင်းဆောင်မှုညံ့ဖျင်းရင် ပန်းတိုင်လဲဝေးတတ်ပါတယ်။
